വിവാഹ ധൂര്ത്തിനെ കുറിച്ചുള്ള ചില വ്യത്യസ്ത ചിന്തകൾ

വിവാഹ ധൂർത്ത് ദരിദ്രനെ തകര്ത് കളയുന്നു എന്ന് നാം പൊതുവെ പറയുന്നതാണ്.  പക്ഷെ അത് എല്ലാ തരത്തിലും ശരിയാണ് എന്ന് ഞാൻ കരുതുന്നില്ല.  ദരിദ്രൻ ധനികനെ അനുകരിക്കുമ്പോൾ മാത്രമേ അത് അപകടം ആകുന്നുള്ളൂ.  അത് അങ്ങനെ തന്നെ ആണല്ലോ എന്നാണു നിങ്ങളുടെ വാദം എങ്കിൽ അത് വിവാഹത്തിന് പുറത്തുള്ള മറ്റു കാര്യങ്ങളിലും അങ്ങനെ തന്നെ ആണല്ലോ എന്നാണു എന്റെ മറു വാദം.  വിവാഹ ധൂർത്ത് എന്നത് എന്തൊക്കെ ആണെന്ന് നമുക്ക് പരിശോധിക്കാം.  വീട്ടിലെ ചമയങ്ങൾ,  വധുവിന്റെ വസ്ത്രങ്ങൾ, ആഭരണങ്ങൾ,  പിന്നെ ഭക്ഷണം .  ഇതിൽ ഭക്ഷണം ആളുകള് കഴിച്ചു പോകുന്ന സ്ഥിതിക്ക് അത് ധൂർത്ത് എന്ന് പറയാൻ പറ്റില്ല.  വീട്ടില് കഴിക്കാതിരിക്കുന്നതു കല്യാണ പന്തലിൽ കഴിക്കുന്നു എന്ന് മാത്രം.  ഒരു ഷിഫ്റ്റ്‌ മാത്രം.  അത് സാമൂഹിക നഷ്ടം ആയി കണക്കാക്കാൻ പറ്റില്ല.  പിന്നെ സ്വർണത്തിന്റെ കാര്യം.  ധനികൻ സ്വർണത്തിൽ നിക്ഷേപിക്കുന്ന ഭീമമായ തുക അവന്റെ സമ്പാദ്യമായി കിടക്കുകയാണ്.  അത് ഒരു തരത്തിലും ഉപഭോഗത്തിൽ വരുന്നില്ല.  ഞാൻ എന്റെ സമ്പാദ്യം മുഴുവൻ സ്വര്ണം വാങ്ങാൻ ഉപയോഗിച്ചാൽ അത് കൊണ്ടു സമൂഹത്തിനു നഷ്ടമില്ല. കാരണം ഞാൻ എന്റെ മറ്റു ആവശ്യങ്ങൾ (ഭക്ഷണം അടക്കം) കുറച്ചു കൊണ്ടാണ് അത് ചെയ്യുന്നത്.  അപ്പോൾ ഞാൻ ഒഴിവാക്കിയ ഉപഭോഗ വസ്തുക്കൾ മറ്റുള്ളവര്ക്ക് ഉപയോഗിക്കാം.  പിന്നെ ചമയങ്ങൾ . അത് ഏതാനും കലാകാരന്മാരുടെ ഉപജീവന മാര്ഗം ആകയാൽ അതും ഒരു സാമൂഹിക നഷ്ടമായി കണക്കാക്കാൻ പറ്റില്ല.