നമ്മുടെ അമ്മ, നമ്മുടെ സഹോദരി, നമ്മുടെ മറ്റവൾ .

പുരുഷന്റെ മുന്നിൽ സ്ത്രീ സ്ത്രീ തന്നെയാണ്.  അത് എന്നും അങ്ങനെ ആയിരിക്കുകയും ചെയ്യും.  പക്ഷെ നമുക്ക് സ്ത്രീയുടെ നേരെയുള്ള നമ്മുടെ ആട്ടിട്യുഡിൽ ഗുണ പരമായ മാറ്റം വരുത്താൻ സാധിക്കുക തന്നെ ചെയ്യും എന്ന് തന്നെയാണ്, നമ്മുടെ അമ്മയോടും പെങ്ങളോടും നാം സ്വീകരിക്കുന്ന നിലപാടുകളിൽ നിന്ന് നാം മനസ്സിലാക്കുന്നത്.  അവിടെയാണ് ഫ്രൊഇദ് പരാജയപ്പെട്ടു പോയത് എന്ന് ഞാൻ വിശ്വസിക്കുന്നു.  ഈദിപസ്സിന്റെ കഥ മകന് അമ്മയോട് തോന്നുന്ന കാമാവേശം ഒരു തരത്തിലും വ്യക്തമാക്കുന്നില്ല. മറിച്ചു അമ്മയോട് ചെയ്തു പോയ തെറ്റിന് നേരെ കണ്ണുകൾ നഷ്ടപ്പെടുത്തി കൊണ്ടു പരിതപിക്കുന്ന ഒരു പുത്രനെ ആണ് നാം അവിടെ കാണുന്നത് .  ആ പുത്രനെ ഫ്രൊഇദ് വളരെ മോശമായ രീതിയിൽ മാറ്റി എടുത്തു എന്ന് തന്നെയാണ് എന്റെ വിശ്വാസം.  ഈദിപസിനു, ഈദിപസ് കൊമ്പ്ലെക്സ് ഇല്ലായിരുന്നു എന്ന് ആരോ പറഞ്ഞിട്ടുണ്ട്.  ഈദിപസ്സിന്റെ കഥക്ക് നമ്മൾ മറ്റൊരിടത്തും കാണാത്ത വേറൊരു പ്രത്യേകത കൂടി ഉണ്ട്.  ഈദിപസിനു  ഒരു തരത്തിലും കാമ വികാരം തോന്നാത്ത മറ്റൊരു അമ്മ അന്നും ഈദിപസിന്റെ കൂടെ ഉണ്ടായിരുന്നു.  ഒറാക്കിൾ പ്രവചിച്ച ദുശ്ശകുനത്തിൽ ഈദിപസ് വിട്ടെറിഞ്ഞ്‌ പോയ തന്റെതല്ലാത്ത തന്നെ പോറ്റി വളർത്തിയ അമ്മ.  ഈദിപസ് കൊമ്പ്ലക്സ്  എന്നത് സ്ഥായിയായ ഒരു സത്യം അല്ലെന്നും അത് ഒരു കാലഘട്ടത്തിന്റെ കഥ മാത്രമേ ആകുന്നുള്ളൂ എന്നും ഫ്രോമിനെ കൊണ്ടു പറയിച്ചത് ഈ സത്യമാണ്.

ഒരു സ്ത്രീ എന്നത് , നമ്മൾ കാണുന്നത് എന്താണോ അതാണ്‌ എന്നാണു ഇതിൽ നിന്ന് മനസ്സിലാകുന്നത്‌.   അവൾ അമ്മയാകാം സഹോദരിയാകാം, അതൊന്നും അല്ലെങ്കിൽ നമ്മിൽ കാമ വികാരം ഉല്പാദിപ്പിക്കുന്ന ഒരു പെണ്ണ് മാത്രമാകാം.  പക്ഷെ അതൊക്കെയും ഒരു വ്യക്തി എന്ന നിലയിലുള്ള നമ്മുടെ തീരുമാനങ്ങൾ മാത്രമാണ്