എഴുത്തിനോടുള്ള അസഹിഷ്ണുത

എഴുത്ത് കാരുടെ നേരെ മതം വാളെടുക്കുമ്പോൾ മാത്രമേ നമുക്ക് പ്രതിഷേധമുള്ളൂ. എന്റെ ഓർമ്മ ശരിയാണെങ്കിൽ പണ്ടു സഫ്ദർ ഹാഷ്മി രാഷ്ട്രീയക്കാരുടെ കൈക്കരുത്തിൽ ഗാസിയാബാദിൽ പിടഞ്ഞു മരിച്ചപ്പോൾ ഇങ്ങു കേരളത്തിൽ ഇടതു പക്ഷ ബുദ്ധി ജീവികൾ ഒരു പ്രതിഷേധം സംഘടിപ്പിക്കുകയായിരുന്നു. അതെ നേരം അങ്ങ് പയ്യന്നൂരിൽ നാടു ഗദ്ധിക എന്ന നാടകം നടത്തിയ കുറെ ആദിവാസികളെയും അതിന്റെ സംഘാടകരേയും, ഇതേ ബുദ്ധി ജീവികളുടെ പയ്യന്നൂരിലെ അനുയായികൾ അടിച്ചോടിക്കുകയും പ്രദര്ശന വേദി അലങ്കോല പ്പെടുത്തുകയും ചെയ്തത് ഓർക്കും എന്ന് കരുതുന്നു. ലോകത്ത് ഒരു കമ്മ്യൂണിസ്റ്റ്‌ രാജ്യവും എഴുത്തുകാരുടെ നേരെ അനുഭാവ പൂര്ണ്ണമായ നിലപാടല്ല എടുത്തിട്ടുള്ളത് എന്ന് ചരിത്രം പഠിച്ച എല്ലാവര്ക്കും അറിയാം. ഇന്നും എതിർ രാഷ്ട്രീയക്കാരുടെ ചുവരെഴുത്ത് എന്ന സാഹിത്യം വളരെ കൃത്യമായി നമ്മുടെ വിപ്ലവകാരികൾ നശിപ്പിക്കുന്നുണ്ട്. ഇന്നും എതിരാളികളുടെ സൃഷ്ടികൾക്ക് നേരെ ഉള്ള അസഹിഷ്ണുത എല്ലാ വിഭാഗക്കാരിലും ഉണ്ട്. (നാടു ഗദ്ധിക എന്ന നാടകം ബാൻ ചെയ്തത് ആരാണെന്ന് ചരിത്രം വായിച്ചവർക്ക് അറിയാം  )